هل حب البنت هو خيانه لأهلها

مو شرط عالنت لأنو ما في شي اسمو حب عالنت هل حب البنت بشكل عام خيانه لأهلها

ممممممممم

هلأ البنت لما بتحب يمكن ما تعرف شو عم تعمل أول شي يعني في كتير شباب والعياذ بالله فهمكن كفايه

يعني مو كل الشباب بيحبو البنت لشخصها في شباب بيحبو البنت لمصلحه

مشان هيك صدق اللي قال البنت سر أمها ما

يعني لازم انا برأيي كل بنت تكون هي وامها رفقات مو ام وبنتها

يعني ما تخبي عليها شي وهيك بيكون ضميرها مرتاح ومو خايفه من شي

ولسا في كلام تاني بس نسمع باقي الأعضاء

اكيد لا مو خيانة يمكن كل البنات بيحسوا نو هنن عم يخونوا ثقة اهلهن فيهن بس لحد معين طالما هي ما عم تغلط وما عم تسمح لهاد الشب يغلط بحقها فهي اكيد ما لازم تحس انو هاد الشي خيانة
بعدين ليش دايما البنت هي موضوع النقاش الحب من طرفين مو من طرف واحد ليش ما نناقش موضوع الشب واللي عم يغلط اكتر من البنت والمجتمع بيتقبل وانو شب ما بيعيبوا شي كمان الشب اذا حب ولحد معين ما اذى بنات الناس فكتير منيح اما لما بيصير بدو يتسلى وياذي بنات الناس فهيك هو عم يخون اهلو اللي اكيد ما ربوا على هاد الشي
يعني بالنهاية الخيانة ممكن تصير من الطرفين والاساس هو التربية وبيقولولك بس كبر ابنك خاويه وللاسف هاد الشي ما بيتطبق بمجتمعنا الا بحالات قليلة كتيير

وانا بدي قللكن يا شباب اذا عن جد بتحبوا البنت اللي انتو مرتبطين فيها ما تعملوا اي تصرف تخلوها تحس انو هي عم تخون اهلها واهم شي ربها ... ديروا بالكم منيح .. البنت بتتحمل كتيييييير بس صدقوني رح توصل لمرحلة ينقلب حبها الكن لكره وتبعد عنكن ... لذلك ديروا بالكم علينااااااااا فهمونا والا رح تخسرونا ... اللي ما بتقبلوه على اخواتكم ما تقبلوه عالبنت اللي بتحبوها وانا برايي هاد هو الحب الحقيقي


موضوع حلو رموز يسلموا
سلام

لاء روز هالمرة أنا مو معك

لأنو الشب اذا غلط النتائج السلبية مارح تبين أو تضل معو لأخر عمرو

أما البنت فرح تضل وما رح حدا ينسى هي البنت اللي بعدين مدري شو بيصير اسمها

بس أنا اللي بعرفو نحنا هون بسوريا

لا تكذبو على حالكون وتقلولي اللي بيتطبق عالبينت بيتطبق عالشب ايه لاءا حبيبتي الشب مهما شرق ومهما غرب اسمو شببببببب

أما نحنا بدون ما نشرق وبدون ما نغرب بنااااااات

اذا بتلتفتي يمينك بيقولو حبت

واذا ما التفتي بيقولو صفنانة وعشقانة

بقى شيلي هالشب بدائرة المساوة وع البنت الله يرضالي ع اسمك

فيبي الله سترك كنت كاتبتلك رد طويل عريض بس لحسن الحظ انو فات كمبيوتري بالحيط وراح الرد لاني لو حطيتو كان الكل رح يوقفوا ضدي ويمكن يزعجكن المهم اذا بدنا نحكي عالنتائج السلبية اثرها عالشب متل البنت واذا بدك ناقشك بكيف منحكي عالماسنجر شي يوم لانو انت اخدت مفهوم الغلط لابعد حد وانا ما عم احكي على هيك
بعدين حتى ولو كان هيك مين اللي خلى الشباب منزهين عن الخطا او سمحلهن بهاد الشي مو المجتمع والمجتمع مين؟ هو انا وانت وكل بنت بترضى بهاد الشي او ما بترضى .. يعني معلش ليش الشب بيحقلو يرفض بنت كانت على علاقة بشب قبلو او غلطت بشي ويستشرف عليها وهو بيكون عامل السبعة وذمتها وهي لازم تكسر على انفها بصلة وترضى
فيبي اذا كل بنت بدها تستخف ببنات جنسها وتقول نحنا بدون ما نشرق وبدون ما نغرب بنااااااات على قولتك مصيبة لانو هاد بيعني انو التغيير مستحيل وهاد الشي مو صح ... فهمتي عليي؟!!!
ما تفهموني غلط انا ما عم بدعو المجتمع انو يفلت بس عم قول انو لازم يكون عقاب الشب تماما متل عقاب البنت لما يغلطوا ... يعني خلونا نستخدم نفس المعايير لبعض ولو كان شي صعب شوي بس هاد الصح حتى نقدر نوصل لمجتمع سليم نوعا ما

اسفين رموز يمكن طلعنا شوي عن النقاش اللي انت حاطوا .. بعتذر وبعتذر اذا كلامي زعج حدا

هلق هالموضوع من ناحيتين
1. انه هالاهل الاكارم بيعلموا هالبنت انه هيك صح وهيك غلط لحتى نقول انه اوكي هي خانتهم؟
باغلب لاحيان بيقولولها الحب غلط حرام
وبخناق وعصبية يعني بتتوقعوا هالبنت فهمت شي من الاهل؟
وبفرض انه فهموها وهي قليل بحسب مجتمعنا انه الحوار بهيك شغلات مو كتير محبب
وقتها وقت عبيعرفوا هالبنت ع هالشي وقتها بنقول انه اي خانتهم

2.
الحب أصلا بأغلب هالشي يلي شائع غلط
الموضوع طويل والحكي فيه مو شي سهل بس اذا بدنا نحكي شوية بنقول
انه هلق هالشب وهالبنت عبيحبوا بعض لمدة معينة وبعدين بيتركوا بعض وبالقلب جرح كبير وممكن هذا الشي ما يعطى الزوجة او الزوج هالاخلاص والوفاء الازم
هلق ممكن يكون في حب نهايته زواج بس بظل هالظروف الاجتماعية يلي عبنعيشها ويلي طالب الجامعة يلي مامعها ليعيش كيف بده يعيش هالبنت؟
الحب حلو وضروري بس بهالطرق يلي صايرة بين هالناس ماعاد حب
صرنا بعصر كل شي تغير صار لازمنا تعريف جديد لكل شي
الحب شو يعني بهالعصر لانه كتير ناس بيحبوا وعاساس انهم بيحبوا وبينسوا المعنى الاساسي للحب
بيفكروا الحب هو متل خط الموبايل لمدة ستة اشهر

خيانة
من قبل الشب ومن قبل البنت
ومن قبل الاهل اذا ما عرفوا ولادهم ع هالشي وشو يعني حب وشو يعني كتير شغلات
الكل غلطان
اليوم لازم نرمي الكل بحجارنا

فيبي انا عم اقول ببعض الحالات بتكون الاثار السلبية نفسها عالطرفين ... طيب على كل فيبي يمكن معك حق بهي القصة اللي حكيتيها طيب فيني اسالك مين اللي خسر اكتر شي لا الشب ولا البنت هاد الطفل اللي خلق بدون عيلة .. اللي حيتسمى طفل لقيط بالمجتمع وينرفض هو اللي اكلها .. طيب نحنا بدنا نصلح المجتمع مو نخربو .. مين اللي عطى لهاد الشب الحق انو يعمل اللي عملوا ويطلع بالاخر بدون ما يخسر شي مو الاهل مو المجتمع مو هي البنت نفسها اللي رخصت حالها وتصرفت عن عاطفة ؟!! طيب شو اللي وصلهن لهون ؟!! عم تفهميني؟ انا بعرف تماما انو الاثار السلبية عالبنت اكتر من الشب بس لانو المجتمع هيك بدوووووووووو لانو البنات عم يبيعو حالهن بالرخيص .. لانو البنات سمحيلي بهالكلمة صايرين بالغالبية العظمى هبل وانا منهن ... في اغلاط كبيرة بالمجتمع بس اساسها التربية والمجتمع نفسو .. والاهم من هاد كلو القانون ...

شكرا كتييييير لتفاعلكم مع هالموضوع

بس انا عندي وجهة نظر كمان الشب لما بدو يتجوز بيجو اهل العروس بيسألو عنو جيرانو صح
وكمان بينزلو بيشوفو اذا علي شي حكم قديم

هلأ انا والله العظيم اهلي دائما لما بيحكو معي بيقلولي يا رامز نحنا عنا سمعة الشب بتهمنا متل سمعة البنت

وروز شو معناها هي طفل لقيط يعني ما بيقبلو بالمدارس وبينحرم من حقوقو بالمجتمع انا هي اول مره بسمع هالكلمه طفل لقيط ممكن توضحيلنا هو ما بيتسجل على اسم ابوه
وشكرا سلفا

لانو البنات سمحيلي بهالكلمة صايرين بالغالبية العظمى هبل وانا منهن

:geek: :geek: :geek:

فهمتك حبيبتي بس اللي خلاها تعمل هيك بظن اهلها اللي مافي براسون عقل

كانت البنت عم تحب عالنظيف ليش ليخلوها تطفش

فيبي نحنا عم نحكي عالحب الحب الحقيقي يعني الحب اللي ما بيكون فيه مصلحة ابدا يعني لما منحب ما منفكر بهيك شغلات لما بيكون الحب بجد
انا لما بحب بنت مستحيل اعمل شي يدايقها ويسببللها مشاكل هاد الشب ما كان بيحب هاد عم يتسلى ونحنا مو هون موضوعنا موضوعنا الحب الجدي الحب اللي اسمى من كل شي مادي وملموس
انا لو حبيت بنت بظروف مناسبة ما رح خلي اي مكروه يصيبها
يعني هالبنت هي اللي طفشت من البيت والشب كان ابن ؟؟؟؟ حلال كتير
بس لو كانو بيحبو بعضون عن جد ما كانت البنت طفشت وكان الشب هو اللي رجعها لو طفشت بس للأسف المفهوم الخاطئ للحب عنا هو اللي بيعمل هالشي
يمكن طولت شوي بالرد

x16 كتب:

لانو البنات سمحيلي بهالكلمة صايرين بالغالبية العظمى هبل وانا منهن

:geek: :geek: :geek:

شو يا سيد معتز هالجملة بس اللي عجبتك ؟!!! اي يا سيدي هبل لانو عم يحبوا من قلب وما عم يلاقوا حدا يحبهن بهالطريقة نفسها الا قليل كتير .. ومشان جاكرك ما عدت منهن :geek:


كلام ورد صحيح يعني لو كان الحب حقيقي ما كان صار اللي صار معها .. كانو لاقوا حل تاني ... وما اختلفنا انو الاهل عليهن لوم بس مو صح انو الانسان يصلح الغلط بغلط

رامز ما بعتقد كلمة لقيط هون بتاخد المعنى اللي انت ذكرتو بس اللي بقصدو انو حيضل بنظر المجتمع وكانو طفل لقيط بدون اب وبدون عيلة ورح تضل امو حاملة عار ... ما بعرف اذا قدرت وصل الفكرة..

ولك لك ورد حاسسك عبتحكي عن شي قليل بالمجتمع او يمكن بكرى يصير درس تاريخي الحب بمعناه الحقيقي

الحب الحب الحب

وانتي انسة روز ماقصدي شي انتي حطيتي جملة وانا نقلتها وبس وما قصدي شي واذا انزعجتي بحذفها واذا ما انزعجتي بخليها عادية بعتقد

بس مو هبل بعتقد عاطفيين زيادة عن اللزوم

عاطفيين بطريقة بيستغلها الشباب بطريقة سلبية جداً جداً جداً

بعرف شباب هيك بيحركوا مشاعر هالصبية المسكينة كرمال اهداف نجسة وتافهة وحقيرة

جيل ...

بس في أمل .من قال هلك الناس فهو أهلكهم

صدقاً في أمل بس هي هية الدنية يوم هيك ويوم هيك

ها شفت يعني متل مو في بنات مو مناح في شباب أكتر كمان مو مناح

بس اذا كنا عاطفيين زيادة فهاد شي ربك خلقو فينا مو نحنا اللي زرعنا

أما أنتو اذا شي اسمو الاحساس والعاطفة مفقود عندكون فهاد شي مع الايام أنتو اللي خليتو يروح فهمتني

ولي بكرا بيقتلني

فيبي كتب:

بس اذا كنا عاطفيين زيادة فهاد شي ربك خلقو فينا مو نحنا اللي زرعنا

أما أنتو اذا شي اسمو الاحساس والعاطفة مفقود عندكون

!!!!!!!!!!!!!!!!!!!!!!!!!!!!!!!!!!!

















في تطور والله

مابظن انو الحب خيانه لانه مافي حدا بالدنيا مابحب!!.....
إلا اذا كان خالي من المشاعر والاحاسيس




بعدين ليش الحب حرام شي؟..

منيح ابن عمتي يعني اذا حبت بنت خالك مارح تفسد لخالك مو هيك؟؟

وأنت رامز سوري يمكن انجرفت بالحديث وهالكلمة لازم ماكنت احكيها

بس أنا عندي مشكلة أنو خلص تجربتي الاولى اذا كانت فاشلة بقيس كل التجارب اللي بعدها على تجربتي الفاشلة بعرف هالشي غلط ومو كل الناس متل بعضها

بس عقل مجنون الله لا يطعمك متلو

مرحبا
والله حمستوني عالرد مع أنو مافي وقت بنوب .. بس حبيت النقاش بينكن
أول شي آسفة عالغياب بس المشكلة انو وقتي ماعم يسمح أكتر من أني شوف المنتدى بنظرة عامة يعني حتى مو كل المواضيع بقدر افتحها و شوف شو فيا
المهم بالنسبة لموضوعنا
حب البنت خيانة لأهلها
برأيي الموضوع بيصير خيانة بحالة أنو البنت تركت المبادئ و الأخلاق اللي ترتب عليها عند أهلها ، أما فكرة أنها حبت شي حدا فهادا خيانة أكييييد لأ .
كيف يعني تترك المبادئ و الأخلاق ، يعني أول شي متل ما قالت روز تبيع حالها بالرخيص ، المشكلة نحنا موجودين بمجتمع بيشوف عالبنت كل شي و ما بيشوف عالشب شي و لو الشب راح كل يوم و حب بنت و عمل معها العمايل بيقلو المجتمع كمل حبيبي أنت شب ما بيصير عليك شي
طبعاً لاحظو هون إني ماعم احكي عن عيل محددة لأنو أكيد في عيل بتحاسب الشب متل البنت بس عم احكي عن " المجتمع بشكل عام "
و أكيد ما قصدي أنو البنت تبيع حالها بالرخيص يعني أنو ما تقاتل مشان اللي بيحبها أو أنو لو الشب تقدملا و رفضوه أهلها يعني خلص تركيه و امشي .لأ بالعكس أنا مع البنت أنو تقاتل مشان اللي بتحبو و تكون معو بكل الأوقات و يمكن حتى تضطر تترك بيتها مشانو .
بس المشكلة لما البنت بدها تترك بيتها عندا احتمالين
الأول أنو تروح فوراً عالمحكمة هي و الشب و يكتو كتابن و هادا احتمال كويس
التاني أنو ما يكتبو كتابن بالمحكمة و هادا كمان فيه احتمالين :
الأول أنو يكون الشب واعي و مثقف و ألو شهامة و أخلاق و بهي الحالة مارح يأذيها بأي شي و لا رح يحاول يستغل فكرة أنو هي بعيدة عن أهلها و مدري شو
التاني أنو يكون ابن حلال مصفى فيقنعها بفكرة كتير ظريفة اسمها " الكتاب البراني " اللي فيه ينكرها بأي دقيقة و لا مين شاف و لا مين دري
و كمان أنو تترك الأخلاق بيعني أنو هالبنت كل يوم تحب حدا شكل و تكون مع حدا شكل ، يعني هي آخدة الحب تسلاية و تضييع وقت أو عندا فراغ حابة تعبيه و بهي الحالة ما بتكون بس عم تخون أهلا بتكون عم تخون كل شي هي و أهلا و الشب اللي عم تحبو
والله يا فيبي قصة رفيقتك قصة يعني شو بدي قلك ما بعرف ، يعني مو بس استغل أنها بعيدة عن أهلا و ضعيفة ، كمان شافلي حالو كتير شريف لحتى يقلي نزلت من عينو . آخ بس لو بعرفو
سلام وإنشالله يكون عندي وقت لحتى رد بمواضيع تانية لسا
wayat

والله انا برأيي وايات كفت ووفت وانختم الموضوع على يدها لأنو ردت رد حاسم شرح الموضوع شرح كافي ووافي

وانا اقتنعت كتير بهالرد لأنو شرح كلشي
نورتي الموضوع وايات ولسا النقاش شغال

نورتو الموضوع لينو وايات فيبي علاء معتز روز ورد
شكرا للمرور الكريم