الحقيقة بهالحياة .....

مرحبا صبايا و شباب


اليوم و انا عم امشي بالشارع و صافن

فجأة خطرلي

ليش نحنا عايشين غلط!
اي والله 99% من الناس عايشة غلط

مثلا و انا بالشارع شفت الي بيعيط عالتاني
شفت الي بيبيع و يشتري و هم البايع جمع المصاري

شفت البروزة بالتياب و المخ الفاضي سوا بشخص واحد

شفت عجقة الدنيا كلها

و خطرلي انو هالشي صح؟


لك ليش البايع بيضل بعيد عن اولادو و زوجتو طول اليوم و هوه ورا كرسيه بمحلو همو يبيع اكبر قدر ممكن!

لك نحنا حياتنا مو أبدية لحتى نقول في وقت


في ناس بيحبونا في شغلات حلوة بالحياة بنقدر نعملها

بنقدر نفرح الفقير اليتيم المسكين المقطوع بالطريق

لك شباب

نحنا نهايتنا بتعرفوا شو ؟؟


نهايتنا المـــــــــــــــــــــــــــــــــــــــوت

عاجلاً أم أجلا


طب

لكن ليش هيك عايشين و نسيانين هالشي؟


ليش ما بنعيش بشرف

و نخلي الي حوالينا مبسوطين


ليش لنظلم نفسنا و نظلم الي حوالينا و ندفن حياتنا بأهداف شخصية و بس

متل الي بيوهب حالو للدراسة بس او للشغل بس


حرام جد حرام

انا مو ضد انو ندرس و نشتغل و نتعب لنجمع لقمة عيشنا

بس ليش ما يكون هالشي باعتدال!




ليش لتكون اولوياتنا بالحياة الدراسة النجاح بالحياة


و دون ما نتذكر شغلات هامة كتيرة

متل انو

نفرح اهلنا فينا مو بس بالدراسة لالالا

انا قصدي نفرحون بوقوفنا جنبون

بمكافاتون على تعبون معنا

نكافئون مو انو بنحبس حالنا بالغرفة لندرس و ننجح و نشوفون اخر شي قدر ربع الوقت الي درسناه



يمكن بتشوفو كلامي غريب


بسس والله



والله


والله بخاف يجي يوم و نندم


ما بدنا نهرب من الواقع

لأنو الواقع بشع ولا زم نتحداه


لك أقرب الناس مننا و احبون لقلبنا معرض للموت بأي لحظة



بس يموت او يصرلو شي " الله لايجعل " هداك الوقت جديد بنفكر ليش ما قضينا معو وقت اكتر

هداك الوقت بس بنقول اخ بس لو عاش شي سنتين زيادة كان صار الوقت لقلو الي بقلبي!!!!!

ليش

لك ليش لنبشع الحياة بأيدينا و نخلق غصات بقلوبنا بأيدينا



انا بعرف كتير ناس و كتير عشاق بيتركو بعض على أمل انو بالمستقبل بيرجعو لبعض

طيب

و اذا مات حدا منون شو بيصير؟

التاني شو رح يفكر ؟

رح يندم ليش أجل كل شي لبعدين ما ؟



رح يندم ليش حط اولويات بحياتو هي مو مشاعر الناس






باختصار

انا بقول خلو أولوياتنا بالحياة هي مشاعر الناس الي حوالينا و مشاعرنا



صحيح الدراسة بتوصل للنجاح و المصاري يمكن و كتير اشيا


بس كمان ما بتطلع شي قدام ابتسامة خلقتها بأيديك على وش اي انسان





بتمنى الي يناقشني مايرجع يكتب الي كتبتو و يقلي انو لازم ندرس للنجح و نفرح أهلنا فينا

بتمنى يكون في حدا فهم قصدي من الموضوع او فهم كلامي لأنو يمكن ما قدرت عبّر !

يلي فهمته من حكيك انه بدك تقول هدف هالحياة
لاهو المادة ولا هو النجاح الدراسي وبس مع انهم مهمين
بس في شي اهم بكتير وهو النجاح المجتمعي
يعني لما بيكون في عنا صدق بعلاقاتنا
واحترام لمشاعرنا ولبعضنا بيصير عنا
مجتمع أحسن وحياة أحلى

اذا هيك قصدك كلام حلو وانا معك بهالشي
طبعا لازم يكون في بين بعضنا هالاحترام المتبادل
ونحترم مشاعر بعض
يعني انتي حكيت عن فكرة لو نحكي لبعض اديش انه مهمين لبعض اوكي انا معك بهي
انا عملت هي مع اكتر من حدى انه بقله انا بحبك او حتى لبنت بقلها انا معجب فيكي بارائك وافكارك وعادي
بس بتعرف ايمتى بحكي هالحكي ؟
وقت بعرف انه هي المشاعر يلي عبحكيهي مالح تتقابل بالمسخرة او الاستهزاء ولا مبالاة
يعني لما بلاقي في مين بيحترم هالكلام يلي لح احكيله ياا بحكيه
وإلا ما بحكي بحبه بس بيني وبين نفسي
معجب فيها وبارائها وبشخصيتها وحياتها بس بيني وبين نفسي
لانه بجميع الاحوال بعرف انه ماحدا حيستهزء بمشاعري

وحكيت عن فكرة الفرح مع الاهل
اسمر بدي قلك شغلة انا من جهتي بصراحة من فترة قريبة وبس
لحتى فهمت شو يعني أهل هلق ما صار شي خارق للعادة حتى عملت هيك
بس فكرت لو بكرى راحوا كيف حياتي بدونهم ومن هالحكي
كنت زاعل امي ومشاكل ع الطالعة والنازلة
وخناق مع ابي اوقات واوقات كتير علاقة طيبة
بس لقيت شغلة ليش هالتذبذب وهالتقلب بالعلاقة
فصرت مع ابي بقله اوكي متل ما بدك شو ما قلي بقله اي مابناقش ومتل ما بده بعمل
ولامي صرت كتير اتقرب منها وكمان ما ناقش
لقيت النقاش مع الاهل غلط والصح نقلهم اي
طبعا مو بكل شي كل حالة والها خصوصية
بس بشكل عام بنقلهم اي

بتمنى كون فهمت سؤالك ونقاشك واذا لا اشرحلنا بطريقة بتنزل فيها لمستوانا المتدني
معليه تنازل هالمرة ولو

موضوع حلو بس متشعب وبده دقة وتفكير بتأني
مو كيف ماكان بنقول حياتنا صح او حياتنا غلط

معتز بدك تزعلني منك ها !
شو هي قال انزل لمستواكون ومدري شو
أنا لما قلت ياريت شوف حدا يفهمني قصدي كان اني أنا ضعت كتير لأعرف كيف عبر و وصل الفكرة
بتعرف في كتير أفكار صعب نعبر عنها بالكلام بقى كيف بالكتابة!

طيب لاتزعل روق
صح المشاعر صعب نوصلها بالحكي فكيف الكتابة وهون نت يعني بنشوف حروف وكلمات
لو واقع كنا عرفنا من العيون ولغة العيون بتحكي كتير مع صمت اللسان

هلق انت ما جاوبت انا فهمت عليك شو بدك توصل ؟
يعني الكلام يلي انا كتبته فوق هيك قصدك او شو ؟

اي فهمتني معتز



بس للاسف مبين ما حدا غيرك فهمني!

:suspect:

ياحبيبنا أسمر والله انا فهمتك وعلى ما أظن ماحدى بيقراء هالموضوع ومارح يفهمك

بس أنا هيك ألي رد صغير بتمنى مايكون يزعجك ....



نظريتك منطقية 00 بس يلي بفكر بهالطريقة حيعيش لغيره مو لئله وحيتعب بحياته00
والسعاد يلي بدك ترسمها على وجوه يلي حوليك وهالبسمة يلي بتدور عليها بدها تعب وجهد كبير لتوصلا00
انت ممكن ما تفهم مخ التاجر بس السعادة عندو ما بتححق الا لما تزيد ارباحه00يعني بالنهاية مبدا السعادة مبدا نسبي بحسب خبرات كل شخص00
الموت علينا حق00بس لازم تعمل لدنياك كأنك تعيش ابدا00
وبنصحك نصيحة من اخ لاخوه انك تحسن الظن بالناس وتحاول تلاقي اسباب واعذار لتصرفات البشر00ولا تدقق بصغار الامور00
وتحياتي لئلك00

والله يا اسمر مو ضوعك بمحلو .....وانا فهمتك وكتير اوقات انا كمان بفكر انو يعني الواحد شو ها لعيشة تبعو بس بيروح وبيجي وبجمع مصاري اوكيه مو غلط بس لازم ينظم وقتو ...كمان نفسو واهلو الهم حق عليه يعني صحيح مو كلشي بها لدنيا مصاري
لازم نلتفت لمجتمعنا ويلي حولنا .واهم شي اهلنا يلي كل هدفهم سعادتنا بهل الحياة .بس نحنا ما بنعرف كيف بدنا نقدرهم غير لاجدل والناقشة وعلى اي ولا وبدي وما بدي
وهاد شي قليل امام انك ما تبادر بشي ولو صغير بتحس انو يفرحهم ولو كان الشي معنوي
مثلا مثل ازا كان دكتور يعني بستغرب انو كل وقتو بيكون بالمشفى او عيادة
هو حلو الواحد يتعلم ويعمل لانهم بالنهاية سبيل من سبل الوصول للجنة
بس كمان
بحدود.وشكرا كتير اسمر موضوع حلو ونقاشو هادف

خالد لا ردك ما بيزعجني ولا يدايقني اكيد

نحنا هون لنتحاور مو لنتجادل


فيبي كلامك بيوافق كلامي بس يمكن ما حسيتي

انتي قلتي انو نحنا قدامنا الاخرة و الحياة تانية و هالحياة مو شي

و لهيك انا بقول نعيش هالحياة الحالية و نفرح و نفرح الحوالينا اشقد ما قدرنا
و ما نجرح حدا

و ما نظلم حدا

و ما نضر حدا

و نأذي حدا

و هيك بنعيش مبسوطين

بس اكيد بدنا ننتبه





ع قولة المعلم مراد علم دار ما بدنا نكون ظالمين بس كمان ما بدنا نكون مظلومين



مها

تمام هاد الي بدي احكيه

بس للاسف بعرف ناس كتاااااااااااار عايشين الات دراسة طول حياتون

لك البكالوريا امنا و قلنا تحديد مصير بتستاهل

بس انو الواحد يضل بعد البكالوريا عايش الة بدون احساس مشان ما يأثر ع دراستو و مصالحو

ممم جد عيب





الأنانية ابشع شي







الأنانية حلوة اذا عرفنا نستعملها جد


لك ما تفكروا الأنانية انو ما منيحة ع طول




بالعكس انا اذا مثلا مثلا بدي انبسط و غير جو بتصل مع قزاز و بنطلع مشوار

هي انانية لأني انا بدي انبسط و طلبت رفيقي و حاكيتو

بس كمان ما طلعت معو لوجعلو راسو و كرهوا الطلعة معي


و هيك انبسطنا انو و هوه




لك يمكن هاد مثال بسيط بس ما عم اقدر اوصل افكاري هالفترة مدري ليش!

لا ولا يهمك فكرتك وصلت
بس نحنا كمان ما عم نعرف نوضح التعليق اكتر
انت الخلاصة من الموضوع انو الحياة مو بس دراسة وعمل وووووووووو