راتب الزوجة لمن ..؟؟؟؟؟؟؟

دارت عليك الأيام وأصبحت ممن دخلوا القفص الزوجي ..


هل ترضى يا أيه الزوج .. أنه تشتغل زوجتك ..وشوهيي شروط للعمل ...؟؟



وهل يا أيها الزوجة أذا كنتي درستي فرع ما .. أو بأيدك شي مهنة .. وزوجك منعك من العمل بها . بتكون سبب لطلب الطلاق .. ؟؟





وآخراً .. يا أيها الرجل .. راااااااااتب الزوجة .. لمن .. ؟؟؟




صديقكم المغضوب عليه دائماً .. خــالد ..

شكراً .. ألكم على ردودكم ..

بس المشكلة .. يعني في بنات بيتعذبو وبيدرسو وبيدفعوا مصاري .. وهنن طموحهم أنه يكونو شي فعال بهالمجتمع ويشتغلوا بالشي هلي ئلعو عيونهم وهنن عم يدرسو .. يعني مايروح تعبهم عالفاضي ..

فغالباً .. الزوج مابيرضى بهالشي .. أنا عم أحكي هاد الحكي حتى ولو كان الزوج حالته ميسورة .. وكافي زوجته من كل شي ..

بس في شي بالدنيا اسمو تفاهم
مو كلشي نهايتو طلاق
هاد حل للضعاف بهربو فيه

مو هل الشي الخطير الشغل للمرأه شغلها ببيتها اولا
طالما جوزها كافيها من كل النواحي

شغلت الشغل وخصوصا طموحها ومشروعها
وخصوصا ازا خاص وشغلها الخاص
بتقدر بباسطه تحط فيه عمال وتمر عليهم كل فتره والتانيه
يعني بنرجع للتفاهم

اما لما يكون شغل عند عالم
يعني بجد مو مضطره تزعل جوزها من شان تشقى حالها

وبالنسبه لراتب الزوجه
ومال الزوجه بشكل عام
الرجل ابدا ما إلو فيه ولا بقرش كمان
بالشرع وبالدين مابحقلو قرش منو
بالعكس حتى لو إلها راتب بضل مجبور يعطيها مصروفها ويصرف عليها
راتبها إلها وكل شي بتصرفو منو للبيت وبتعطي منو الزوج لازم
يكون عن طيب خاطر
واكيد لما بكون الوضع لازم تساعد براتبها مابتقصر


بالنهايه كل عقده وبشاطره الزوجه بتلاقيلها حل

والله في نسوان روح قلبهون الجكر والعناد يعني جوزك موفرلك كل شي ليش لتشتغلي عند حدا
ومتل ماقالت شادو لو الك شغل خاص بتعدي عليه من وقت لوقت مابظن الجوز الو كلام بالموضوع
اما اذا في عندك كل شي ليش لتزعلي جوزك وتتطلقي؟؟؟

تمام التمام هيك قصدي انا

ممممممم

بشوف انو أهم شغل وأهم مشروع بتعملو المرة إنها بتحافظ على بيتا وبتربي ولادا ترباية ممتازة وتشرف على دراستون وتخليهون أحسن ناس وأنجح ناس بالمجتمع بالنسبة إلي مابحب المرة تشتغل ولا بيهمني راتبا حتى لو يكون قد مايكون المهم بالأول ولأخير ولادنا ومستقبلون فبشوف انو لو امون تقعد بالبيت تربيهون وتدرسون احسن من راتبا